Cambiar de ano

E xa vai outro ano máis que sumar.

Como a melancolía é un estado de ánimo (ou o que sexa) ao que acudo con frecuencia, desde logo non é raro entender que o paso de cada 31 de decembro a cada 1 de xaneiro sexa para min un día de recordos. Balance non vou facer, o 2008 tróuxome do máis amargo e do máis doce. Empezarei o 2009 compartindo contigo unha sensación que me encanta: a de meterse nunha cama coas sabas recén postas, lavadiñas e pasadas polo ferro. Gorentoso pracer de poñer roupa limpa.

Anque sexa máis dificil cós asuntos da colada, tentaremos cambiar de ano con limpeza da mente e do corazón. Para empezar con bo pé, escoitarei ao Sinatra nunha canción que sempre me alegra o espírito: Fly me to the moon.

Que goces moito do 2009

Roupa limpa

3 thoughts on “Cambiar de ano

  1. Ola, Alex. Desde que descubrín esta ventá, gústame abrila, sempre atopo sorpresas agradables. Aquela primeira foto, a das túas mans, e o que dicías delas, emocionoume. As da neve, deliciosas. Amosas sensibilidade en cada detalle. Un bo comezo de ano con esta imaxe: branco impecable , azul intenso e, o mellor, o propósito de limpeza de mente e corazón. Coido que non se pode pedir moito máis.
    Que este ano che traia moito ben.
    Unha aperta. Aura.

    • Moitas grazas, Aura, polas túas palabras, e moitas grazas polas túas miradas. A túa ventá sempre é un bo lugar para asomarse e a miña un lugar onde é gozoso acollerte. Apertas

  2. Cada vez que vexo esta imaxe pecho os ollos e vén a min a roupa que miña avoa poñía ao raiolo os fríos días do inverno… ao pouco preguntaba:

    – “Estará xa enxoita?”

    Entón, eu corría ansiosa cara ao cordel e na punta dos pés medraba para ter o privilexio de descolgala, encartala e depositala nunha enorme bañeira de cinc.
    Despois, carretala, xa era outro cantar!

    Grazas por facer que recuperemos os momentos.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s