-Mamá, ponme a Sés.
-Vale… sempre a Sés, sempre a Sés… 🙂
A música comeza a soar no coche á volta da escola.
-Pero, mamá, non che dixen que o puxeras empezado [enténdase: non che dixen que puxeras o disco desde o comezo].
-E logo cal queres que che poña?
-Con aire fresco de mar…
-curo feridas e…?
-loitos.
A Leonor, con 4 anos e 4 meses e medio, e a Alexandra, que por veces pensa que está axudando a medrar un unicornio.
A Sés, desta volta a Milonga de aquí, é parte fundamental da banda sonora da crianza da Leonor. O unicornio da imaxe é o que buscamos ela e máis eu na expo do Bosco no Prado, e alí estaba bebendo na lagoa, e que logo apareceu enorme na fermosa videoinstalación El jardín infinito coa que rematamos outra grande experiencia xuntas (coa madriña Lali, xaora).
Alex Ghalpon 