Pró Fran e o Darío, mestres de amor
Esta noite imos ter unha conversa os tres. Falaremos do tempo que pasa, do outono dourado, do amor. Falaremos de poesía, de ciencia ficción e de películas de vaqueiros. Falaremos de Soutomerille, de San Xes de Francelos; de hexapétalas e letras góticas; de entrelazos e de medir versos.
Esta noite imos botar contas: do 18 de novembro que marchaches ti, hai xa 23 anos. De que o 18 de novembro de hai un ano o Darío converteuse en cinza, de que o 16 marchara canda a ti, de que o 23 era o noso número, o de cada mes, o de cada setembro pra sempre. Botaremos contas, e contareivos que este 18 de novembro estivestes comigo os dous, sorrindo, e que fixemos xuntanza arredor do Darío, pero que tamén estabas ti, Fran. Porque se falou e se sentiu amor, e amor aprendéstesmo os dous.
Alex Ghalpon 