Hai momentos precisos, nos que estás onde tes que estar. Miras e vela, ves a foto. Está aí e ti disparas.
A foto que che ensino hoxe fíxena saíndo de Santa Eulalia de Bóveda. Santa Eulalia está no Camiño Primitivo de Santiago, a uns quince quilómetros de Lugo, indo para Compostela. Alí agarda un monumento de época romana bastante descoñecido e do máis impresionante. A terra é agraria e rica, cunha arquitectura popular de grande calidade e uns camiños que convidan a andar.
Estaba por aló facendo un traballo con meu irmán, e cando volviamos para Lugo mirei polo espello retrovisor e vin a foto. Baixei do coche, chuviñaba, e fixen tres disparos. Este é o que máis me gusta: as follas, a luz e o vello.
Se cadra soaba no coche o Bruce Springsteen, pois moito nos gusta a meu irmán e a min; así que hoxe poño a Jersey Girl, cantada polo Boss e tamén nunha boísima versión do Tom Waits.
Alex Ghalpon 
Polo que vou lendo no teu blog, creo que che ha gustar darlle un vistazo a este, que tamén teño enlazado desde o meu:
http://aquamlatam.blogspot.com/
Tamén a el lle vou dar o enlace do teu.
Un comentario musical: empezas citando a Leonard Cohen, agora falas de Bruce. Só falta que digas algo de Secretos para que te considere o meu alter ego.
Por certo, esa foto é unha pasada. Penso usala para un exercicio de clase.
Úsaa, úsaa, gústame moito que a escollas. Xa me contarás o que sae da experiencia.